Rivista di stampa di l’Adecec

A canterina appronta un secondu dischettu dopu “Donna fata”.

U SCB hà vintu 5-1 contr’à Troyes, hè u terzu di Liga 2 cù 39 punti.

Accidente stradale, sta mane, in Poghju d’Oletta. U giovanu cunduttore feritu hè statu purtatu à l’uspidale di Bastia.

Sta notte, un battellu à vela s’hè arrenatu in u vechju portu di Bastia. I succorsi sò intervenuti prestu pè succorre una persona chì ùn hè micca stata ferita.

I suldati di u focu sò intervenuti in u dipartimentu di Pumonte pè un focu d’appartamentu in Purtivechju, ma nimu hè statu feritu. Dopu, in Sartè, ottu persone sò state intussicate cù u monossidiu di carbone.

Eri, hè statu liberatu Claude Chossat, hè messu in esame pè parechji affari istruiti da JIRS di Marseglia è un affare finanziariu. Serebbe amicu di Francis Mariani, tombu in u 2009.

Marinari di a CGT occupanu sempre u battellu “Le Corse” di a SNCM in Marseglia, perchè ùn volenu ch’ellu faccia a linea trà Tulò è Bastia. U direttore di l’affari marittimi hà custattatu a presenza di grevisti, dice a CGT, ma a SNCM pensa ch’ùn ci hè micca greva è hè decisa di piantà l’occupazione cù e vie legale.

A notte trà mercuri è ghjovi, a scola di Calinzana hè stata dannighjata. U merre hà dipusitatu una lagnanza à a gendarmeria di Calinzana.

Marti è mercuri, l’Alta Balagna era bluccata per via di a neve. Eri, suldati di u focu, furestieri, agenti di EDF è di a DDE scumbattianu.

Eri, hè statu presentatu u prugettu di trasfurmazione di u mullizzu ricuperatu. Ghjè un prugettu di Eric Brac de la Perrière, direttore di Eco-Emballages, pè creà una nova filiera è stimulà l’econumia.