Tempacciu
Dopu l’imbellita di sta mane, u tempu s’hà da guastà torna è si capisce perchè l’alerta arancia dura sin’à ghjovi à 1 ora di mane. Nant’à e strade, a circulazione hè interdetta à e vitture cù rimorche in Vizzavona è l’equipamenti speciali sò ubligatori pè e vitture è i camiò è sò dinù ubligatori nant’à e strade dipartimentali ma a circulazione nant’à e strade naziunale RN 196, 197 hè nurmale. Infine, e bocche di Sorba, Verde è Teghjime sò chjusi.
A meziornu, 5 500 case ùn avianu micca u lume ind’u Nebbiu, Fium’Orbu è in a regione di Capicorsu ma l’agenti d’EDF travaglianu nant’à i siti. Eppo, più o menu 2 500 abbunati di France Télécom si ritrovanu senza telefunu perchè arburi sò cascati nant’à a reta. Infine, sì vo avete da cunduce, chjamate u PC neve di Corti 04 95 46 17 12 ma u megliu di sicuru hè di ùn piglià micca
a vittura