Messa in esame
L’anzianu merre di Pedicroce, Paul-François Cesarini, hè statu messu in esame pè « documenti falsi è usu di documenti falsi, curruzzione, favuritismu, sviamentu di soldi è scruccuneria ». Sta decisione di ghjustizia vene dopu u raportu di a corte regiunale di i conti nant’à a cumuna. U lindumane di a so elezzione, a nova squadra s’era lagnata perchè, à sente à ella, i « conti ùn eranu micca sinceri ». Dunque, u prefettu avia dumandatu una missione di verificazione è di cunfurmità è irregularità eranu state trove.