Vincent Carlotti hà dumandatu à Dominique Bucchini, u presidente di l’Assemblea di Corsica, d’urganizà un dibattitu nant’à u grande banditismu. Dominique Bucchini hà dettu di sì ma hà da dumandà à l’altri eletti ciò ch’elli ne pensanu.
U festivale di u filmu di Lama principia sabbatu prossimu sin’à u 6 d’aostu. Avemu 25 documentari, per esempiu, quellu di Jean-Paul Jaud ” Severn, la voix de nos enfants” induve si parla di l’agricultura bio è di a famiglia Arena di Patrimoniu, a prima chì hà fabricatu u vinu biologicu.
U CODAF hè statu presentatu sta mane in prefettura in Aiacciu, ghjè u cumitatu operaziunale dipartimentale contr’à a froda. Avemu quì l’unione di sfarenti servizii pè luttà megliu contr’à e frode : a pulizza è a gendarmeria travaglieranu cù i servizii suciali o fiscali.
Dui piscadori di Bastelica s’eranu persi quand’elli vultavanu in paese. À 9 ore di sera, i so amichi è suldati di u focu prevenenu i succorsi in muntagna. Infine, un elicotteru hà pussutu ricuperalli à un’ora di mane.
À a radiu Frequenza Mora, ci hè un risicu di greva pè luni perchè i persunali prutestanu contru a suppressione di un postu di tecnicu. Oghje, ci sò neguziazione in Parigi. Di stu cunflittu si n’hè parlatu eri à l’assemblea di Corsica, cù una muzione aduttata à l’unanimità da tutti i gruppi pulitichi, pè dumandà [...]
Tutti l’anni, ci hè un prublemu di i studianti di l’IUFM di Corsica chì ùn ponu avè u so postu in Corsica dopu esse riesciuti à u CAPES. Tutti ùn sanu ancu induv’elli seranu mandati à a rientrata è ci hè dinù u prublemu di i prufessori corsi chì ùn ponu vultà in l’isula.
L’elettu cumunistu Michel Stefani prupone a creazione d’un osservatoriu di a vita cara è di e paghe in Corsica. Una dumanda accettata da Paulu Giacobbi pè cuntrullà i prezzi è cresce e paghe. U presidente di l’esecutivu hà dettu dinù chì ci vole à urganizà una sessione strasurdinaria nant’à u trasportu marittimu è bisognu à [...]
Cum’elli l’avianu annunziata, i membri di l’associu Sulidarità anu bluccatu a surtita nordu di Purtivechju eri sera pè prutestà contr’à l’arrestazione di st’ultimi ghjorni in u rughjone. Frà i giovani interpellati, u minore hè statu lasciatu liberu in fine di dopu meziornu allora chì a seconda persona hè sempre ritenuta da a pulizza.
Marc’Antò Tafani ùn [...]
Una cunferenza di stampa cuncernendu l’affare d’arrubecci contr’à cumercianti in Calvi s’hè fatta eri à u palazzu di ghjustizia di Bastia. Jean Jacques Fagni è u culunellu Lavergne anu parlatu di st’affare. Quattru omi sò stati messi in esame per prova d’arrubecciu cù a minaccia di un arma è ponu piglià 30 anni di prigiò [...]
Un accidente hè accadutu marti sera in Cuttoli. Un si sà ancu perchè u cunduttore ùn hà più ammaestratu a so vittura. Trè persone sò state assai ferite è purtate à l’uspidale di a Misericordia.