Durante a sessione di l’Assemblea di Corsica, serà esaminatu un raportu di u presidente di l’Esecutivu induv’ellu vole ubligà a SNCF à assicurà a cuntinuità di i trasporti da u primu di settembre di u 2010 à u 31 d’aostu di u 2011. Sta cumpagnia dumanda in più à a CTC una cuntribuzione d’8 milioni [...]
U ministru François Baroin hà dettu chì i studianti ùn puderanu più tuccà l’APL è a meza parte fiscale, sta decisione dispiace à i studianti perchè i penalizeghja.
In u paese di Tolla, un risturadore chì averebbe furzatu una giovana era digià sott’à cuntrollu ghjudiziariu in un affare simule. L’omu ùn hè ancu statu interrugatu perchè hà pigliatu medicine è s’aspetta dinù risultati d’analisi.
Eri, dui omi chì eranu tramindui nant’à un scooter anu avutu un accidente in Calvi è Curbara, una di ste persone era briaca. Sò stati purtati à l’antenna medicale d’urgenza di Calvi.
In Aiacciu, u decanu di i ghjudici d’istruzzione, Jean Guary, hè mortu eri. Era sempre dispunibule è cumpetente in tutti i posti di a so carriera.
In una lettera addirizzata à Paulu Giacobbi è Dominique Bucchini a ministra Michelle Alliot-Marie dichjara chì i prigiuneri ponu esse avvicinati s’ellu li resta pocu tempu à stà in prigiò o s’elli anu una cundanna di menu o uguale à 5 anni. Hà fattu sapè dinù chì 177 cundannati corsi sò stati purtati in U [...]
Venneri, a corte d’appellu ferà cunnosce a so decisione nant’à a dumanda di liberazione d’Yvan Colonna. Ramintemu ch’ellu hè statu cundannatu di marzu 2009 in appellu à a prigiò a perpetua cù una perioda di sicurezza di 22 anni. Ma, u 30 di ghjugnu, a corte di cassazione hà annullatu a so cundanna.
Una reunione d’infurmazione à prò di i pruprietarii furesteri di u Niolu si tenerà in fine di settimana in merria d’Albertacce. Urganizata da u centru regiunale di a pruprietà furestera di Corsica è da l’associu sindicale di gestione furestera Funtana Rossa, vole mette in risaltu e pussibilità di valurizazione di e pruprietà. Si parlerà dinù [...]
Ancu sì numerose persone imprudente ùn anu micca rispettatu e cunsigne di securità nant’à e marine di Balagna, malgradu un forte risicu di tempurale previstu eri in Corsica, i suldati di u focu chjamanu sempre à a prudenza. Ancu di grazia, stu tempacciu in muntagna ùn hà micca fattu vittime, ma oghje a vigilenza è [...]
Un omu di 70 anni hà avutu una mancanza eri nant’à a marina di l’Ostriconi in Balagna è s’hè anneatu. I succorsi sò ghjunti in furia ma l’omu ùn hà pussutu esse salvatu. Charles Casahoursat era in vacanze in Lumiu è era avvezzu à vene in Corsica dipoi 15 anni.