Sabbatu è dumenica allora chi e cundizione meteorologiche eranu difficiule è chi u ventu occasiunava forti marosuli, nutadori si so quantunque bagnati in mare. Risultatu più di una centinaia d’intervenzione di succorsu da a Balagna à Pruprià.
I salvadori in mare è i suldati di u focu chjamanu torna una volta à a prudenza
Un omu hè statu ritrovu anneatu eri mane nant’à a marina di u Trottel in Aiacciu.Ghjè versu 8ore chi st’abitante d’Aiacciu hè statu ritrovu mortu in l’acqua. Malgradu l’intervenzione rapida di i succorsi l’omu ùn hà pussutu esse salvatu.
Dipoi eri sera Thierry Gonzales hè cunsideratu cum’è for di legge. In fatti u naziunalistu ùn s’hè micca prisentatu à a gendarmeria di Tournan en Brie cum’ellu avia l’abitudine di fà sin’à avà. Ramintemu ch’ellu hà decisu di rientre in Corsica è s’hè refugiatu in chjesa di Purtivechju induv’ellu hà principiatu una greva [...]
In un ‘intervista accurdata à Corse Matin Jean Charles Orsucci merre di Bunifaziu assicureghja ch’ellu vole arradicà l’isula di Cavallu in u parcu marinu di Bunifaziu. Spiega dinù cum’ellu vole mette un termine à tutte l’esazzione chi cuntinueghjanu nant’à l’isulella
Eri in Piana so stati celebrati i dece anni d’addunita di e cunfraterne di Corsica. 250 cunfratelli sò venuti da tutta a Corsica, rinfurzendu a leia trà e cumunità. St’addunita hè stata l’occasione di rivene nant’à a crisa di e vucazione in core di a chjesa