Stu dopu meziornu, s’hè sappiutu chì u Sporting stà in naziunale, ghjè a decisione di u cunsigliu federale di a FFF. Dunque, anu ricunnisciutu e suvvenzione date da i cullaburadori istituziunali. Oramai, l’allenadore Fréderic Hantz puderà travaglià bè cù a squadra è dui attaccanti anu da rinfurzà u gruppu.
A zitelluccia di 4 anni è mezu, assai ferita dopu esse stata inticciata da un trenu in Lumiu, hè stata purtata in Marseglia. Ùn si ne sà di più nant’à a salute di a vittima.
Attenti à u libecciu chì hà da suffià forte oghje è dumane in Balagna è Capicorsu è ogni tantu à più di 100 km/h. Dunque, i suldati di u focu sò mubilizati nant’à sti rughjoni. D’altrò, eri mane, i pulizzeri di u cumissariatu di Bastia anu chjappu un giuvanottu chì hà ùn micca rispettatu l’interdizzione [...]
Ùn hè ancu ufficiale ma u terzu prucessu d’Yvan Colonna puderebbe fassi da a fine di maghju à u principiu di lugliu di u 2011. Ghjè a pruposta fatta eri à l’avucati di a difesa chì feranu cunnosce a so risposta a settimana prossima. Accetteranu sta data s’ella ci hè una ricustituzione nanzu u prucessu. [...]
In Aiacciu, un omu hè statu cundannatu à un annu di prigiò perchè minava a so moglia. Era statu digià minacciatu di sanzione da a ghjustizia.
L’inchiesta hà cunfirmatu chì a vittura trova in u Lancone hà avutu un accidente. A vittima era in fatti un omu è si chjamava Yves André, stava in Furiani.
A dumanda d’indennizazione di u famosu publicitariu Jacques Seguela hè stata ricusata eri da u tribunale amministrativu di Bastia. Avia dumandatu 1,6 milioni d’euro à a cumuna di Bunifaziu dopu l’annullazione di u permessu di custruì nant’à u situ di Cala longa. D’uttobre 2008, stu permessu era statu digià annullatu dopu un ricorsu di l’associ [...]
Qualchissia hà tiratu nant’à Joseph Agostini, un allevadore di 53 anni, eri in Ortale d’Alisgiani. Hè statu feritu à a spalla è à u pettu è l’anu purtatu à l’uspidale di Bastia.
Un annu fà, e valle di a Gravona, di l’Ortolu, è d’Auddè eranu brusgiate da fochi tamanti mai visti nanzu. Ritruvate un’inchiesta nant’à u Corse-Matin d’oghje.
« U Padduc serà fattu da i corsi è ci serà una cartugrafia », ghjè l’annunziu di u ministru Michel Mercier. Una nutizia chì hà rassicuratu tutti i cunsiglieri esecutivi è territuriali. Hà parlatu dinù u stabilimentu Publicu Fundiaru pè l’alloghju suciale, pè prutege i spazii sensibuli è valurizà i territori. Infine, u dopu meziornu, [...]