Rivista di stampa di l’Adecec

A corte d’appellu di Bastia hà cunfirmatu a cundanna di Sauveur Almanza à un annu di prigiò attempatu in l’affare di i battelli di piacenza arrubbati in Francia è in Bunifaziu.

Una donna hè stata purtata à a clinica di Purtivechju dopu un accidente in l’isula di Cavallu. Hè stata succorsa da i suldati di u focu di Bunifaziu è da una sucietà privata appartenendu à Mathieu Bidali.

U PDG di l’acque d’Orezza, François-Xavier Moracchini, dettu François Xavier “Mora”, hè mortu luni in Parigi à 62 anni. Hà fattu rinasce l’acque d’Orezza à a fine di l’anni 90 cù l’aiutu di u cunsigliu generale di Cismonte. In più, a sucietà impiegava 25 persone. Eppo, 5 anni fà, avia rivendutu a so sucietà di [...]

A notte da marti à mercuri, versu 2 ore è mezu, i pulizzeri di Bastia anu chjappu à l’Arinella dui giovani è unu purtava cannabis cun ellu. Hà da esse interrugatu da un ghjudice per i zitelli è dinù da un ghjudice di Marseglia pè altri affari d’arrubecci è di ricusu di rispettà un ordine.

Eri, un catamaranu brusgiava à u largu di Pianottuli Caldarellu. Dopu chì i passageri abbianu spintu l’incendiu, u battellu hà pussutu andà à u portu di Bunifaziu.

A corte d’appellu di Bastia hà cunfirmatu a cundanna attempata contr’à Michel Terrachon, accusatu d’avè offesu è minacciatu un pulizzeru.A corte d’appellu di Bastia hà cunfirmatu a cundanna attempata contr’à Michel Terrachon, accusatu d’avè offesu è minacciatu un pulizzeru.

Oghje, hè ghjuntu in Corsica Michel Mercier, ministru di u spaziu rurale è di l’accunciamentu di u territoriu. Sta mane, parla cù i presidenti Paul Giacobbi, Dominique Bucchini è cù i presidenti di i gruppi pulitichi di l’Assemblea di Corsica di u Padduc è di u fundiariu. U ministru hà detti chì a prima revisione [...]

Eri dopu meziornu, in Balagna, una zitelletta di 4 anni hè stata inticciata da u trenu di e marine chì andava da Calvi à L’Isula Rossa è chì circulava pianu. Assai ferita, hè stata traspurtata d’urgenza à l’uspidale di Bastia.

U 23 di lugliu, dunque dumane u Taravu face u so festivale. Canti, musica è lingua corsa seranu i puntelli di sta ghjurnata urganizata da a FRESC è da u cumitatu di Petretu Bicchisgià. Cù sta ghjurnata, si puderà scopre cum’ellu ci vole stu bellissimu rughjone.

Una donna hè stata trova morta eri dopu meziornu nentru a so vittura nant’à a cumuna d’Olmeta di Tuda. E prime investigazione si facenu è l’identificazione di a vittima ùn hè ancu stata fatta. Secondu e prime custattazione a vittima ùn averebbe pussutu cuntrullà a so vittura è ghjè surtita da a strada.