Eri i succorsi anu fattu numerose intervenzione in tutta a Corsica ch’ellu sia in muntagna o in mare afine d’aiutà vacanzeri . Una donna di 60 anni hè stata ricuperata da un elicoterru dopu esse cascata nant’à u caminu di l’Omu di Cagna. In Bavella un omu hà fattu una caduta di 4 [...]
Sabbatu sera ci hè statu una prova d’assassiniu in Tagliu Isolacciu. Un omu di 31 annu uriginariu di u paese hè statu feritu à u bracciu da unu o parechji tirore . A vittima hè stata operata à u centru uspitalieru di Bastia. Un inchiesta hè stata aperta è cunfidata à a gendarmeria.
Sta sera à u cunventu di Cervioni ritruverete un cuncertu à l’onnore di Gershwin à parte da 9ore 30 cù l’orchestru di Sibiu di rumenia direttu da François Robert Girolami cù e voci di Karen Lorenzani Dimitri Coltran è Jean Baptiste Fonlupt à u piano.
Sta sera cum’è tutti i luni à parte da cinqu’ore u paese di Peru Casevechje accoglie i luni di l’identità cù a vitrina di l’artisgianatu corsu, u cuncertu di u gruppu Tavagna in chjesa è ripastu corsu à l’albergu di u tavagna Club in Talasani