Rivista di stampa di l’Adecec

Eri sera, versu 6 ore è mezu, ci era u focu in Sagone è 8 000 m² di machja anu brusgiatu. U focu hè statu spintu versu 10 ore in particulare grazia à i canadair è un elicotteru lampendu l’acqua.

A differenza di prezzi pè i prudutti alimentari hè di 8,6 % trà a Corsica è u cuntinente, ghjè ciò ch’ellu dice un studiu di l’INSEE dumandatu da a CTC. Ma sti risultati ùn cunvenenu manc’appena à u gruppu Leclerc.
U so riprisentente in Corsica hà vulsutu mustrà chì, dopu a ghjunta di i Leclerc, di [...]

In Aiacciu, sò impenserite e famiglie di e persone anziane à l’uspidale Eugénie perchè a climatizazione ùn funziunerebbe micca, ma u direttore dice chì l’apparechju hè vechju è ùn pò micca calà assai a temperatura di pettu à u fora. A CGT dice chì ci sò listessi prublemi à l’uspidale di a Misericordia. In i [...]

Dui giovani corsi sò stati premiati à u cuncorsu naziunale « Talent des cités », un cuncorsu pè incuragì i giovani creatori d’imprese chì campanu in quartieri poveri. Si chjamanu Gilles Secchi pè a vendita nant’à www.argusfoot.com d’articuli di sportu, eppo Christophe Spinetti è Jean-Christophe Santucci pè a so impresa Corsica Groom di servizii à [...]

Dominique Costa, liatu à u grande banditismu, hè statu messu eri in esame in Marseglia per imbiancamentu di soldi, scruccuneria, abusu di bè suciali è travagliu micca dichjaratu. Hè statu incarceratu dopu a so messa in esame. Ramintemu chi s’era messu in manu à i pulizzeri à principiu di a settimana in Corti nanzu d’esse [...]

A famosa Paris Hilton hè ghjunta eri à u campu d’aviazione di Figari cù a so scorta ma dinù droga in u so saccu. Hè stata chjappa è interrugata da i gendarmi eppo una mez’ora dopu si n’andava in Sardegna.

U sindicatu Ghjuventù Paolina hà scontru à Emmanuelle de Gentile, a cunsigliera esecutiva incaricata di l’insignamentu supranu. Una reunione induve participavanu dinù riprisentanti di u CROUS è di l’Università. Precarità, aiutu à a ricerca o à l’impiegu di giovani cercadori, u sindicatu studientinu hà parlatu di i cartulari di a rientrata. Sò stati suddisfatti postu [...]

U festivale Canti di quì cuntinueghja sta sera in Cervioni. Sta sera canteranu Francine Massiani è u gruppu Madricale. A 11ore subitu dopu i cuncerti, un’animazione hè prevista nant’à a piazza à a chjesa cù Charles è Claude.