Nimu ci si aspettava, ma tribunale di a republica hà fattu appellu di u ghjudicamentu resu avanti eri da u tribunale currezziunale di Parigi cundannendu i sustegni d’Yvan Colonna à cundanne attempate. Eri sera l’avucati di a difesa è Patrizia Gattacecca un capianu è ragio chi ponu mette in causa stu ghjudicamentu.
Eri hè statu prisentatu in Bastia u dispusitivu anti incendiu di l’estate 2010. U prefettu Nevache è u presidente Paulu Giacobbi anu direttu sta reunione induv’è i servizii è associi eranu prisente per porghje a so cuntribuzione a so sperienza à fine chi l’estate 2010 sia u menu pussibile, quellu di l’incendii.
Una giovana di 15 anni hè stata vittima di un agressione sessuale u primu di lugliu in Aiacciu. A persona suspettata d’esse l’autore di i fatti, un babbu di famiglia di 38 anni, hè stata interpellata ghjovi è ritenuta da a pulizza. Hè stata messa in esame per agressione sessuale . L’autore presuntu hè [...]
A dicesettesima camera currezziunale di Parigi hà prununziatu eri a libertà di Enrico Porsia ghjudicatu per diffamazione. Ramintemu ch’ellu avia fattu un inchiesta nant’à u Padduc mettendu in causa in 2008 nant’à u situ aministia Camille de Rocca Serra è Ange Santini. A ghjustizia hà datu raggio à u giurnalistu. D’altro Ange Santini hè [...]
Oghje e dumane si tenerà a sedecesima edizione di a fiera di a petra di Lumiu. Durante dui ghjorni cunferenze è animazione seranu à u prugramma.