A DNCG hà decisu eri sera d’affirmà a so prima deliberazione dumandendu a ritrugradazione in CFA di u Sporting Club di Bastia. A DNCG ùn hà micca presu in contu a deliberazione di l’assemblea di Corsica chi dava un aiutu eccezziunale di 800 000 euri nè di a lettera di a CAB di prevede [...]
Eri mane una residenza secundaria in custruzzione situata in u novu casamentu di Poggiole in Santa Lucia di Purtivechju hè stata a cibula d’un schelleru. I disguasti so impurtante è stu schelleru hè statu rivindicatu da u FLNC. A sezzione antiterrurista di u tribunale di Parigi hè incaricatu di u cartulare.
Eri u tribunale currezziunale d’Aiacciu hà cundannatu Majid Dardouri à novi mesi di prigio per viulenze cumesse à a prigio d’Aiacciu contr’à guardiani à a fine di u mese di maghju.
Cumè tutti l’anni i risultati di u basciglie anu pruvucatu una stonda d’emuzione per i candidati. Quist’annu u percentuale di riesciuta à u basciglie generale in l’accademia hè di 71,3%. Per u basciglie tecnulugia a riesciuta hè stata di 60,1%.
A Vintiduiesima fiera di l’Alivu si tenerà u 17 è 18 di lugliu in Montegrossu. Durante dui ghjorni ci seranu spusizione, animazione è cuncerti di rigalu. In Montemaggiore u sabbatu 17 di lugliu ci serà u secondu cuncorsu regiunale d’oliu d’uliva AOC.