E potte marine (o meduse) voltanu l’estate nant’à e marine corse è sò curate da a stazione di ricerche sottumarine è oceanografiche di Calvi. Ùn si sà ancu precisamente perchè voltanu l’estate (forse u scaldamentu climaticu, a pesca troppu impurtante di pesci chì manghjanu ste meduse…).
Pè luttà contr’à i fochi, dapoi qualchì annu, a Posta dumanda à i so fattori di curà i lochi induv’elli vanu è face altre iniziative nant’à u tema « Vergogna à tè chì brusgi a terra ». Vulerebbe avà chì altre imprese (EDF, a cumpagnia di l’acque…) fessinu cum’è ella.
Hè statu presentatu à a farmacia San Petru di Bastia u rubottu Selen di distribuzione è di gestione di e medicine. Hè statu creatu da a sucietà bastiaccia Intecum diretta da Jean-Noël Sallembien è permette di tene a pruvista di medicine è di piglianne senza occupà troppu piazza. Oramai a pruduzzione industriale di Selen [...]
À parte da u 6 di lugliu sin’à u 25 d’aostu, Corse-Matin cunterà a vita di 51 paesi corsi. Un ritrattu paisanu ogni ghjornu cù trè « testimoni » pè cunnosce megliu a persunalità di a so cumuna. Una dimarchja dinù pè rinfurzà e leie trà u giurnale è i so lettori.
Marc Casanova hè statu messu in esame è incarceratu per l’assassiniu d’Emmanuel Multedo. St’insegnante tombu in Bastia in 2008 u ghjornu di a rientrata sculare ma dice ch’ellu hè nucente. Era statu digià incarceratu à a prigiò di U Borgu in un altru affare.
Hè esciutu « La vendetta di Sherlock Holmes » di Ugo Pandolfi è Jean-Pierre Cagnat, edizione Albiana. U famosu detettivu hà fattu dinù a so inchiesta corsa in u 1893. un’occasione pè scopre i corsi di l’epuca è a so vita.
U novu Sporting di Frederik Hantz ghjucherà sta sera à l’IGESA contr’à una selezzione di CFA 2 è di divisione d’unore. Eppo, a campagna d’abbunamenti à a squadra hà principiatu.
Cù u risicu d’incendiu per via di e timperature più calde, cum’è tutti l’anni à a listessa epuca, u prefettu di Corsica face sapè à a pupulazione chì ùn ci vole micca à incende fochi sin’à u 30 di settembre. Un’autorizazione eccezziunale d’accendera di u focu hè stata accurdata à i suldati furesteri di Pumonte [...]
Ghjè a fine di a greva à a varderia San Ghjuvanni in Aiacciu. Dopu à dui ghjorni di cunflittu una suluzione hè stata trova eri. U persunale serà allughjatu luni in i lucali di a varderia Sampieru. U deputatu merre Simon Renucci s’hè ingagiatu per chì u prugettu di creazione di una nova varderia à [...]
Aurèle Mannarini, l’espertu di a balistica, ùn hè micca statu interrugatu cum’ellu ci vole. Ghjè per quessa chì a corte di a cassazione hà annullatu u ghjudicamentu contr’à Yvan Colonna. Aurèle Mannarini pensa chì l’assassiniu di u prefettu hè più grande chè ellu allora chì Colonna hè più chjucu.