U Cullettivu di i Sustenidori Bastiacci è Bastia 1905 chjamanu à un’addunita luni u 5 di lugliu à 9 ore davant’à i lucali di a Cumunità d’Aglumerazione di Bastia, in u quartieru di Toga. E duie urganizazione pensanu chì a cumunità d’aglumerazione deve sempre 225 000 euro à a squadra. Ma a CAB dice ch’ella [...]
Jean Biancucci, u cunsiglieru territuriale di Femu a Corsica, hà criticatu l’attitudine d’EDF chì ùn hà tenutu à contu a muzione contr’à u fioul pisivu vutata à l’assemblea di Corsica è hà annunziatu stu fioul pè a centrale di Lucciana. Eppo, criticheghja u prefettu di Cismonte chì ùn hà micca riagitu. Infine, u cullettivu regiunale [...]
U 13 di ghjennaghju, in u paisolu di Cardu, una mamma avia tombu i so dui figlioli. Eri, ci hè stata a ricustituzione è sta donna ùn si spiega micca u so attu. Hè stata messa in esame è incarcerata.
Dapoi u primu di lugliu, hè interdettu di piccià un focu per via di u risicu d’incendiu.
Oghje, ci hè a ghjurnata prigiò di i banchi di l’avucati contr’à e cundizione di vita difficiule in i stabilimenti penitenziari. Si parlerà oghje in particulare di e leie famiglie di i prigiuneri è stu tema hè di primura in Corsica. Altri penseri : u numeru troppu impurtante di prigiuneri è a crescita di i [...]
Gilles Leclair hà presentatu eri u pianu di securità pè u dipartimentu di Pumonte. Ci serà dunque prevenzione, surveglianza è ripressione contr’à i fochi, a droga, l’alcolu, l’accidenti, l’arrubecci…
U famosu publicitariu Jacques Séguéla vulia custruì una casa nant’à un terrenu di Cala Longa, cumuna di Bunifaziu ma, dopu u ricorsu di l’associu ABCDE, u permessu di custruì era statu annullatu. Dopu Séguéla hà dumandatu indennizazione à a cumuna ma quessa hà ricusatu è, dunque, l’hà citata in ghjustizia. U tribunale amministrativu ghjudicherà da [...]
Eri, à u largu di Capu di Muru, una donna hè stata succorsa da a sucietà naziunale di salvamentu in mare. Hà avutu una mancanza quand’ella era à 40 metri di prufundezza è hè stata purtata à l’uspidale d’Aiacciu. Puderebbe sorte da l’uspidale à mumentu datu.
A notte da mercuri à ghjovi, dui battelli anu brusgiatu in Portu Pollu. U primu battellu hà brusgiatu sanu è l’altru hè statu distruttu à 80 % malgradu l’intervenzione di i suldati di u focu. Pare chì u focu serebbe accadutu pè disgrazia. A gendarmeria di Sartè face l’inchiesta.
Jean-François Battistelli hè unu di l’ultimi pastori chì praticheghja a muntagnera. Da Ocana à u stazzu di i Pozzi, à u pede di u Renosu, a strada hè longa è difficiule. U percorsu hè cuntatu in u Corse-Matin.