L’avucati di Yvan Colonna anu dumandatu a liberazione di u so cliente ma sta dumanda ùn serà micca esaminata nanzu un’altra decisione di ghjustizia chì tocca sempre à Colonna è aspettata l’8 di lugliu. Hè pè un affare di pusessu ilegale d’arme. Ramentemu chì ci serà un terzu prucessu postu chì a corte di cassazione [...]
I prigiuneri Corsi di Fresnes anu piantatu a so greva di a fame. L’avianu fatta pè esse avvicinati in Corsica. Eppo, ognunu hà scrittu à a ministra di a Ghjustizia Michèle Alliot Marie pè esse purtati in U Borgu. Certi anu scrittu ancu à a senatrice Alima Boumediene Thiery pè fà avanzà sta dumanda d’avvicinamentu [...]
Una di e trè persone chì sò state chjappe pè l’assassiniu d’Emmanuel Multedo puderebbe esse presentata stu dopu meziornu davant’à a procura di Bastia. I pulizzeri avianu interrugatu u so fratellu, incarceratu dinù in un altru affare.
U giurnalistu Jean-Charles Chatard è u duttore Denis Fauconnier anu da vultà à a cumissione Tchernobyl di l’assemblea di Corsica. I dui anziani membri demissiunari pensanu chì a nova magiurità hà datu abbastanza guaranzie pè l’indipendenza di a struttura è a so vuluntà di vede sbuccà stu cartulare. Paulu Giacobbi hà prupostu ancu di studià [...]
Un permessu di cunduce più difficiule à avè è più caru, ghjè u custattu di e scole di cundutta chì dinunzianu a mancanza d’ispettori. Ci n’hè solu 4 pè tutta a Corsica è a sitazione hà da impeghjurì st’estate, dunque dumandanu omancu dui ispettori in più.
A u persunale è à i zitellucci di a varderia San Ghjuvanni in Aiacciu li dà fastidiu u cantieru accantu à u stabilimentu. Dunque, i persunali STC anu principiatu sta mane una greva pè dumandà di spiazzassi in altrò durante i travagli.
Una delegazione di persunali grevisti averebbe da esse ricevuta da u merre d’Aiacciu à [...]
Una panatteria hè stata torna distrutta da un schelleru sta notte in Biguglia. Era stata ricustruita dopu un primu schelleru di dicembre 2009. Nimu hè statu feritu è l’attu ùn hè statu rivindicatu. Eppo, trè zitelloni eranu stati messi in esame in Bastia è incarcerati u 9 di dicembre, cinque ghjorni dopu u primu schelleru.
Ghjovi u 20 di dicembre, una granata era stata ghjittata contr’à a prefettura è avia fattu danni ma nimu hè statu feritu. Eri sera, ci hè stata una ricustituzione.
L’abbate Videau, 64 anni, hè statu cundannatu à trè anni di prigiò, cù unu attempatu da u tribunale currezziunale d’Aiacciu. Hè accusatu d’avè pigliatu durante 20 anni dui milioni d’euro à a Chjesa catolica è i cristiani. I so avucati anu fattu appellu è anu dumandatu a so liberazione. Infine, un cumitatu di sustegnu s’hè [...]
A l’università, eranu 152 iscritti in primu annu di medecina ma, dopu u cuncorsu, solu 28 ponu entre in secondu annu. Dunque, i premiati si sò spartuti e 28 piazze in sfarenti settori medicali.