Nant’à a cumuna d’Ocana, ci hè a sucietà Actiplan diretta da Denis Casalta. Specializatu in u duminiu topograficu, stu capu d’impresa hà spartu in Corsica una reta di ricevitori GPS pè i geometri. Cusì, ùn ci serà più zona bianca è si puderà ancu curà i ponti è i madrali.
Esiste u blog www.rosariopipolo.it induve Rosario Pipolo conta cun emuzione u so giru in Capicorsu frà altri ricordi corsi.
www.supcorsica.com, ghjè un annuariu internet creatu da u centru di cultura scientifica è tecnica A Meridiana. Un mezu pè cunnosce tutti i duminii di l’insignamentu supranu di a ricerca, di e culture scientifiche è tecniche. Eppo, si cunnosce dinù l’attualità scientifica, in particulare e risorse documentarie, l’ufferte di stazii o d’impiegu.
Anthony Bressy, 21 annu, hà creatu u Corsica Guide, pè l’Iphone di a sucietà Apple è hà creatu dinù a so impresa « green solutions » chì crea siti nant’à u web. Eppo, cù u Corsica Guide, u cliente puderà cunsultà l’evenimenti culturali in Corsica, usterie, risturanti è caffè.