Rivista di stampa di l’Adecec

Seranu 33 candidati à prisentassi à e prussime elezzione legislative di u 10 è 17 di ghjugnu prussimu. 18 candidati per u Pumonte è 15 per u cismonte, brigueranu i quattru posti di deputati corsi.

Seranu 33 candidati à prisentassi à e prussime elezzione legislative di u 10 è 17 di ghjugnu prussimu. 18 candidati per u Pumonte è 15 per u cismonte, brigueranu i quattru posti di deputati corsi.

Eri sera versu 11ore 30 l’osteria Les Dunes in Calvi hè statu a sibula d’un schelleru. U gerante Noel Guglielmacci hè u figliolu di u secondu aggiuntu. A carica ùn era micca impurtante nè menu i diguasti.

Un novu schelleru contr’à una residenza secundaria hè statu scupertu eri dopu meziornu nant’à a cumuna di Santa Lucia di Tallà. Secondu i primi elementi u schelleru serebbe accadutu st’ultimi 48 ore. Un inchiesta hè stata aperta.

U GFCOA hè in liga 2 . L’Aiaccini anu fattu eri sera un risultatu paru à Epinal 1 à 1 è so oramai sicuri d’accede à a liga 2 a stagione prussima. A squadra di u presidente Fanfan Tagliaglioli ghjucherà u so ultimu scontru in Naziunale sabbatu prussimu in Mezzavia contr’à Niort.

In liga 2 u Sporting Club di Bastia hà persu contr’à Istres 1 à 0. Un scontru chi s’hè ghjucatu in un imbianza amichevule. Nanzu à l’ingagiamenti , fiori so stati rimessi à Pieratambée chi compie a so carriera di ghjucadore , è à a fine di u scontru Frederic Thiriez hà rimessu u trufeu di campioni à u presidente Pierre Marie Geronimi allora chi i ghjucadori avianu chittatu u campu di ghjocu.

Qualchi minutu dopu l’annu prisentatu à i sustenidori chi eranu numerosi in Istres à sustene a squadra. I bastiacci prisenteranu oghje u trufeu in Bastia cù una sfilata chi parterà da Furiani per anda nant’à a piazza Santu Niculaiu induv’è un cuncertu hè previstu à parte da 8ore.

A squadra di l’ACA ghjucherà ella dumane u so ultimu scontru di a stagione contr’à Toulouse . L’Aiaccini ùn so ancu salvi in stu campiunatu di Francia di liga 1 è deveranu vince per pudè sperà ghjucà torna frà l’elitta a stagione prussima.

A prima manifestazione di e ghjurnate di u mischju linguisticu seranu urganizate oghje in Corti.

A messa hè celebrata sta mane in prisenza di u vescu di Corsica. Durante tutta a ghjurnata ci seranu numerose animazione , mà dinù cunferenze è artisgiani isulani chi prisenteranu i so prudutti. U dopu meziornu à parte da 5 ore è sin’à un ora di mane ci seranu cuncerti cu numerosi gruppi di culture diverse.

Cunsideratu cum’è unu di i fatti maiò di a nova mandatura à l’Assemblea di Corsica, a lingua Corsa hè pocu utilizata da l’eletti. In fatti, malgradu una muzioni aduttata da 70% di l’eletti territuriali, solu 10% di i quistione urali à l’esecutivu sò poste in lingua corsa, è guasi tutte da u gruppu naziunalistu, Femu A Corsica. Pà Saveriu Luciani, chì si rallegra di u fattu chì u so muvimentu « appiissi fattu entre u corsu à l’Assemblea », seria più chè ora chì l’eletti isulani mustressini l’esempiu, aduprendu u più aspessu a lingua corsa.

Sta sera à sei ore tutti i candidati à e legislative deveranu esse ufficialmente dichjarati in Prefettura. Ramintemu ch’ellu si vuterà e dumeniche 10 è 17 di ghjugnu prussimu

A squadra di u Gazelec ghjucherà sta sera in Epinal. L’Aiaccini puderebbenu accede à a Liga 2 sta sera s’elli vincenu contr’à Epinal è si Vannes face un risultatu paru o perde u so scontru contr’à u Red Star.

U Sporting Club di Bastia ghjucherà sta sera u so ultimu scontru di a stagione contr’à Istres. I bastiacci pruveranu à fà un risultatu per compie a stagione cum’ellu ci vole è in più in prisenza di Frederic Thiriez chi serà prisente à u campu di ghjocu Parsemain per rimetteli u trufeu di campione. Ramintemu chi u Sporting hà ricusatu l’urganisazione d’una ceremonia officiale dopu stu scontru. U trufeu di campioni sera prisentatu sabbatu sera nant’à a piazza Santu Niculaiu.

Hè principiatu eri u giru di Corsica di ciclismu cù 18 squadre è 108 participanti. A prima ghjurnata hè partuta da Bastia per raghjunghje Ghisunaccia, passendu per Corti. Hè stata vinta da Nicolas Gaurin. Oghje a terza tappa leia Purtivechju à Bunifaziu.

A prima manifestazione di e ghjurnate di u mischju linguisticu seranu urganizate dumane in Corti. Durante tutta a ghjurnata ci seranu numerose animazione , mà dinù cunferenze è artisgiani isulani chi prisenteranu i so prudutti. U dopu meziornu à parte da 5 ore è sin’à un ora di mane ci seranu cuncerti cu numerosi gruppi prisente.